তারিখ -১২/০৭/২১
(সিলেটের আঞ্চলিক ভাষায় লিখা)
খরাপ মানুষ হারাদিন অউ থাকে,
পরর দোষ তুকাইয়া।
মিছারে হাছা বানাইত চায়,
ঘুরে গাউ পাকাইয়া।
অনর কথা হনো না কইলে,
অয় না মন তার খুশ।
নিজোর কথা বাদ দিয়া কয়,
অন্য বাড়ির দোষ।
মাইনষর বালা চায় না ইতায়,
চায় না কেউর সুনাম।
কেউর বালা দেখলেউ তারা
লাগি যায় করাত বদনাম।
কমর বান্দি লাগি যায় গি,
পরর করতে বদনাম।
নিজর খাইয়া কাটনি খাটে,
তার, নাই কুনু আর কাম।
খরাপ মানুষ অইবো বালা,
অইবো কিতা করলে?
ইতা মাইনষর খাইছলত যায় না,
কুনু দিন ও মরলে।
টেপির মায়ে বুঝি কিতা?
কইমু কিতা আর?
এখান কথা কইলাম খালি,
ইব্লা ইতা ছাড়।
এ জাতীয় আরো খবর..
Leave a Reply